06:35 / 27.01.2020
2 715

Исроилликларга Саудия Арабистонига сафарлар амалга оширишга илк бор рухсат берилди

Исроилликларга Саудия Арабистонига сафарлар амалга оширишга илк бор рухсат берилди
Исроил ички ишлар вазири Арье Дери Исроил фуқароларига Саудия Арабистонига сафарлар амалга оширишга рухсат берувчи ҳужжатни имзолади. Бу ҳақда Haaretz нашри хабар берди.

Маълум қилинишича, бу Исроилда илк бор юз бермоқда. Бироқ баъзи исроилликлар, асосан араблар ҳукуматнинг расмий рухсатисиз Саудия Арабистонига олдин ҳам бора олишган.

“Бу исроилликларга Саудия Арабистонига диний зиёратларни ёки 90 кунгача муддатга ишчи сафарларни амалга ошириш имконини беради”, дейилган хабарда.

Исроил ички ишлар вазирлигининг ушбу қарори биринчи навбатда исроиллик арабларга тааллуқли бўлади. Энди улар Саудия Арабистонидаги муқаддас қадамжоларга ҳеч қандай қаршиликсиз бора олишади.

Исроилликлар Саудия Арабистонига ташриф буюра олиши учун подшоҳликнинг мутасадди идораларидан кириш визасини олишлари керак бўлади. Ар-Риёд билан дипломатик муносабатларга эга бўлмаган Исроилда Саудия Арабистони элчихонаси мавжуд эмас.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Исроилликларга Саудия Арабистонига сафарлар амалга оширишга илк бор рухсат берилди