Коронавирус сабабли Хитойда кўплаб оммавий тадбирлар тўхтатилган, «Хитойча Apple» ҳам Xiaomi Mi 10 смартфонларининг тўлақонли тақдимотини бекор қилган. Бундан ташқари, мазкур компания ўз юртидаги дўконларини ҳам ёпиб қўйди.
Энди жаҳоннинг йирик технологик гигантлари – Apple ва Google ҳам Хитойдаги ҳамда унга қўшни мамлакатлардаги фаолиятининг бир қисмини тўхтатмоқда. Сабаби ўша – ходимлар коронавирус юқтиришининг олдини олиш.
Жумладан, Google компанияси Хитойдаги барча (Пекин, Гуанчжоу ва Шанхай шаҳарларидаги) офисларининг, шунингдек, Гонконгдаги, яна Тайвань пойтахти – Тайбэй шаҳридаги офисларининг фаолиятини тўхтатган.
Айни дамда Хитойдаги айрим компаниялар фақат онлайн савдо билан шуғулланишмоқда, лекин харидорлар барибир коронавирус хавфидан чўчишмоқда.
Apple эса «Осмон ости салтанати»даги барча учта дўконини вақтинча ёпган, у ҳам ўз ходимларига хасталик юқиб қолишидан чўчимоқда. Айтиш керакки, ушбу корпорацияга коронавирус катта зиён келтиряпти – унинг қурилмаларини териб берувчи Foxconn ва Pegatron заводлари ёпилиши мумкин.
Бу корхоналар эпидемия ўчоғи деб ҳисобланиб карантинга олинган Ухань шаҳридан 500 километр масофада жойлашган. Apple маҳсулотлари учун бутловчи қисмлар тайёрлаш ва уларни териш билан ушбу заводларда ўн мингга яқин киши шуғулланади. Хитойча Янги йил байрами муносабати билан уларнинг аксарияти ҳозирда ўз уйларига, шу жумладан Уханга ҳам кетишган. Бу шаҳар жойлашган Хубэй провинцияси ҳозир изоляция қилингани сабабли Foxconn ҳамда Pegatron’нинг кўп ходимлари ишга қайта олмайди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Толибон» Москвадаги теракт ташкилотчиларини йўқ қилишга ваъда берди
Эрдўғон террорчилар ҳақида кескин гапирди
Россия Ғазога 29 тоннадан ортиқ инсонпарварлик ёрдами жўнатди
Россия Украинанинг ҳарбий дрон йиғув иншоотларини йўқ қилди
АҚШ расмийлари: Миллионлаб америкаликлар хитойлик ҳакерлар ҳужумига учраган
Дубай ҳукмдорининг энг гўзал қизи қандай ҳаёт кечиради?
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ полициячиларининг «ақлли қарори» Legoга маъқул келмади