Ҳиндистоннинг Уттар-Прадеш штати Фаррухобод округида 23 болани гаровга олган эркак полиция томонидан отиб ташланди.
Аввалроқ Суреш Батам исмли эркак бир ёшли қизининг туғилган кунини нишонлаш учун уйига болаларни таклиф қилиб, сўнгра уларни гаровга олгани маълум қилинганди. Туғилган кунга 6 ойлик чақалоқлардан тортиб 15 ёшгача бўлган 23 бола ва бир неча аёл келган. Бир маҳал эркак уйи эшигини қулфлаб, меҳмонларга қурол билан таҳдид қила бошлаган, ташқарида қолган ота-оналарга ўқ узиб, граната улоқтирган.
Босқинчи билан бир неча соатлик музокаралар самара бермаган. Эркак 2001 йилда жазога тортилган қотилликни содир этмаганини бақириб, болаларни қўйиб юборишдан бош тортган. Полиция эркак маст ёки руҳий нобарқарор деган тахминга борган. Шундан кейин уйга бостириб кирилиб, жиноятчи отиб ташланган.
Сурешнинг рафиқаси қочиб кетмоқчи бўлганда, одамлар пайқаб қолиб, унга тош ва ғиштлар улоқтира бошлашган. Полициячилар аёлни ғазабланган одамлар орасидан олиб чиқиб, уни шифохонага етказишган. Бироқ аёл олинган жароҳатлардан 31 январь куни вафот этган.
Полицияда аёл турмуш ўртоғининг қабиҳ режасидан хабардор бўлгани ва ҳаттоки режани амалга оширишда қарашган бўлиши мумкинлиги айтилган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Қондаги шакар миқдорини тартибга солувчи фойдали мева номи айтилди
АҚШ разведкаси: Украина 2024 йил охиригача урушда ютқазиши мумкин
Бизнес имкониятингизни кенгайтиринг
Зеленский: Россия Украинанинг иссиқлик энергетикасини деярли тўлиқ яксон қилди