11:37 / 01.02.2020
3 785

Коронавирусдан Хитойда яна 46 киши вафот этди

Коронавирусдан Хитойда яна 46 киши вафот этди
Фото: AFP
Хитойда янги коронавирус қурбонлари сони яна 46 кишига кўпайди. Вирус юқтирганлар сони 12 минг кишига яқинни ташкил қилмоқда.
Вируснинг қурбонлари умумий сони 259 нафарга етди, 11791 одам у билан зарарланган. Бу ҳақда 1 февраль куни Хитой мутасадди идоралари маълум қилди.

Бир кун ичида вирус билан касалланганлар сони 2102 нафарга кўпайган. Касалликдан фориғ бўлганлар сони 243 нафарга етди.
Бир кун аввал вирус келтириб чиқарувчи зотилжамдан 213 киши вафот этгани, 9692 киши вирус юқтиргани маълум қилинганди.

Бундан ташқари, 17988 киши коронавирус юқтирганликка гумон қилинмоқда.
Шунингдек, Хитойнинг махсус маъмурий ҳудудлари ҳисобланган Ҳонгконгда 13 киши, Макаода 7 киши, Тайванда 10 киши вирусга чалинган.

Осиёнинг қолган давлатларида вирус юқтириш бўйича 80 та, Европада 19 та, Шимолий Америкада 10 та, Австралияда 9 та, дунёнинг қолган ҳудудларида 4 та ҳолат қайд этилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Коронавирусдан Хитойда яна 46 киши вафот этди