Коронавирисдан ўлим ҳолати илк марта Хитой ташқарисида қайд этилди

^{Фото: Reuters}
Филиппинда 44 ёшли эркак коронавирус билан касалланиш оқибатида вафот этди. Бу Хитой ташқарисида коронавирусдан вафот этиш билан боғлиқ илк ҳолат ҳисобланади, деб ёзади «Дарё».

Жаҳон соғлиқни сақлаш ташкилотининг Филиппиндаги бошқармаси берган хабарга кўра, эркак 1 февраль куни ҳаётдан кўз юмган.
Хитойда ўтган бир сутка давомида коронавирус туфайли 46 киши вафот этди. Шу тариқа мамлакатда мазкур касаллик қурбонлари сони 259 кишига етди.

Маълумот учун, шу вақтга қадар коронавирус билан касалланиш ҳолатлари Хитойдан ташқари АҚШ, Германия, Буюк Британия, Япония, БАА ва Россияда қайд этилди. «Замин»ни Telegram’да ўқинг!