22:33 / 05.02.2020
6 540

Хитойда коронавирусни тўхтатувчи дорилар тўплами топилгани маълум қилинди

Хитойда коронавирусни тўхтатувчи дорилар тўплами топилгани маълум қилинди
Хитойлик олимлар абидол ва дарунавир дори воситаларининг биргаликда қўлланиши лаборатория тажрибаларида янги коронавирусни тўхтатиши мумкинлигини маълум қилишди.

Бу ҳақда хитойлик эпидемиолог олим Ли Ланьцзюань маълум қилди. Унинг айтишича, абидол ва дарунавир дори воситалари шунингдек Чжэцзян провинциясида коронавирусга чалинганларни даволашда қўлланган.

Олимнинг таъкидлашича, ҳозирда вирусга қарши қўлланаётган ОИВдан дори воситаси унча самарали эмас ва иккиламчи оқибатларга олиб келади. У абидол ва дарунавирни вирусга қарши қўллашни Саломатлик бўйича миллий комиссияга тавсия қилишини айтган.

Ли ушбу дориларни коронавирусга фақатгина шифокорлар кўрсатмаси билангина қўллаш кераклигини қўшимча қилиб ўтган.
Абидол вирусларга қарши, дарунавир эса ОИВ/ОИТСда қўлланувчи ретровирусга қарши дори воситаси ҳисобланади.

Аввалроқ Таиландда ОИТСга қарши «Лопинавир / Ритонавир» ва гриппга қарши «Осельтамивир» дори воситаларининг биргаликда қўлланиши коронавирусга чалинган беморни даволашда самара бергани маълум қилинганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Хитойда коронавирусни тўхтатувчи дорилар тўплами топилгани маълум қилинди