Фото: Global Look Press
Гренландия ҳукумати музликларнинг эриган сувини экспорт қилмоқчи. Бундай сувга глобал иссиқлик туфайли қурғоқчил ҳудудларда талаб катта бўлиши мумкин.
Бу ҳақда Der Tagesspiegel нашрига интервьюда Гренландиянинг саноат ва энергетика вазири Йесс Сване маълум қилди.
“Биз сувимиз қанчалик тозалигини, унинг захиралари қанча эканини ва ундан иқтисодий томондан неча йил фойдалана олишимиз мумкинлигини кўрсатган тадқиқот ўтказдик. Ҳозир биз бутун дунёга айтишимиз мумкинки, бизда катта ҳажмда тоза сув бор ва биз ундан фойдаланишни таклиф қиламиз”, деб айтган вазир.
“Глобал иссиқлик – дунёдаги сув танқислигининг сабабларидан биридир. Гренландияда минглаб йиллар давомида эриган сув мавжуд. Ҳозирда биз бозорга бошқа ҳеч кимда йўқ бўлган ушбу маҳсулот билан чиқишимиз мумкинлигини тушундик”, деб таъкидлаб ўтган Сване.
Унинг айтишича, сайёрамизда ичимлик сувининг танқислиги тобора ортиб боради ва шу сабабли орол ҳукумати музликлар сувини Гренландияни дунёга танитувчи маҳсулотга айлантирмоқчи. Агар музликлар суви экспорт қилинмаса, у бекорга оқиб кетади.
Вазирнинг таъкидлашича, иқтисодиётнинг эриган сув ҳисобига диверсификация қилиниши Гренландияга Даниядан кўпроқ даражада мустақил бўлишда ёрдам беради.
Маълум қилинишича, айни вақтда музликлар сувини экспортга тайёрлаётган 9 та лойиҳа бор ва улар тегишли лицензияларни олган.
Иқлимшунослар маълумотларига кўра, Гренландия қирғоқлари яқинидаги кўп йиллик музликларнинг катта захиралари Акртиканинг бошқа ҳудудларидаги муз қопламига қараганда икки марта тезроқ қисқармоқда.
Таъкидлаб ўтиш жоиз, Гренландия Дания қироллиги таркибига киради ва 2009 йилдан кенг мухторият мақомига эга. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Лукашенко Ғарбга таҳдид билан чиқди
АҚШнинг Ғазодаги сиёсатидан норози Давлат департаменти расмийси истеъфога чиқди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради