07:00 / 27 февраля 2020
661

Пентагон 2025 йилгача ядро қуроли учун 167 млрд доллар сарфламоқчи

Пентагон 2025 йилгача ядро қуроли учун 167 млрд доллар сарфламоқчи
Фото: AP Photo/Charles Dharapak
Пентагон ядро қуроли модернизация қилиш ва ишончлилигни таъминлаш бўйича беш йиллик режани амалга ошириш доирасида АҚШ конгрессидан 167 млрд доллар сўрамоқчи. Бу ҳақда Bloomberg агентлигига таяниб Kun.uz хабар берди.
Агентликнинг маълумот беришича, Америка мудофаа вазирлиги ядровий харажатларни ҳар йили ошириб бормоқчи.

Мудофаа вазирлиги эълон қилган ҳужжатларга кўра, 2021 молиявий йилда (1 октябрдан бошланади) тегишли ҳарбий дастур учун 28,9 млрд доллар сарфлаш режалаштирилган. 2022 йилда Пентагон ядро қуролларини модернизация қилиш учун 30 млрд, 2023 йилда 33 млрд доллар сўрамоқчи. 2024 йилда ядро қуроллари учун харажатлар 37 млрд долларга, 2025 йилга келиб эса 38 млрд долларгача етиши кўзда тутилган.

Давлат департаменти маълумотларига кўра, АҚШ 2018 йил 5 февраль ҳолатига кўра 652 та ядро қуроли ташувчиси ва 1350 дона ядровий каллакларга эга бўлган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)