Фото: Asia-Plus
Тожикистонга Япония, Жанубий Корея, Италия ва Эрондан келаётганларнинг барчаси 27 февралдан бошлаб карантинга жойлаштирилади. РИА Новости хабарига кўра, бу ҳақда мамлакат соғлиқни сақлаш ва аҳолини ижтимоий ҳимоя қилиш вазирининг ўринбосари Мирҳомуддин Камолзода хабар берди.
«Тожикистонга Япония, Жанубий Корея, Италия ва Эрондан келаётганларнинг барчаси 27 февралдан бошлаб карантинга жойлаштирилади. Ушбу чоралар Тожикистонда коронавирус тарқалишининг олдини олиш учун амалга оширилмоқда. Бунга қадар фақат Хитойдан келган фуқаролар карантиндан ўтказилаётганди», - деди у.
Вазир ўринбосарининг сўзларига кўра, коронавирус ҳолатлари қайд этилган Япония, Жанубий Корея, Италия ва Эрондан келаётганлар икки ҳафта давомида шифокорлар назорати остида бўлишади.
Шунингдек, 25 февраль куни Тожикистон Ўзбекистон ва Афғонистон билан чегарадаги назоратни кучайтирди.
Мирҳомуддин Камолзоданинг хабар беришича, бундан буён Ўзбекистон ва Афғонистондан кириб келганларнинг барчаси (сабаби, кўплаб фуқаролар Жанубий Кореядан Тожикистонга Ўзбекистон орқали келади) аэропорт ҳамда назорат-ўтказиш пунктида санитар назоратдан ўтказилади - уларнинг тана ҳароратини ўлчашади, яшаш манзили бўйича рўйхатга қўйишади.
Тожикистон расмийлари Кобул билан авиақатновларни тўхтатиш масаласини ҳам кўриб чиқаётгани маълум қилинди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди
