Песков Путинни коронавирусдан сақлаш учун барча чоралар кўрилаётганини маълум қилди

^{Фото: РИА Новости}
Россия президенти матбуот котиби Дмитрий Песков президент Владимир Путинни Covid-19 коронавирусидан сақлаш учун барча чоралар кўрилаётганини маълум қилди.

“Коронавируснинг президентга яқинлашиши олдини олиш учун барча зарур чоралар амалга оширилмоқда. Аслида гап ҳар бир фуқаро қила оладиган оддий гигиеник чоралар ҳақида бормоқда”, деб айтган Песков журналистларга.

У, шунингдек, Москвада коронавирус билан боғлиқ вазият “кескин ёмонлашмаганини” маълум қилди.

2 март куни Россия пойтахти Москвада коронавирусга чалиниш бўйича илк ҳолат қайд этилгани, вирус Италиядан келган йигитда аниқлангани маълум қилинганди. Йигит ва у билан яқин алоқада бўлган 24 киши шифохонага, у билан бир самолётда учган 83 киши карантинга жойлаштирилган. «Замин»ни Telegram’да ўқинг!