Америкалик губернатор коронавирус сабабли тирсак билан сўрашишни таклиф қилди

^{Фото: AP}
АҚШнинг Небраска штати губернатори Пит Рикеттс коронавирус эпидемияси сабабли кўришганда қўл сиқиш ўрнига тирсакларни уриштириб қўйишни таклиф қилди. Бу ҳақда CNN телеканалига таяниб Kun.uz хабар бермоқда.

Шифокорлар коронавирус қўл сиқишиб сўрашганда ҳам юқиши мумкинлигидан огоҳлантириб келишмоқда.
Губернатор сўрашишнинг бу усулини карантиндан кейин шифохонани тарк этаётган одамлар билан учрашувда намойиш қилган.

“Мен учун карантин бўлимини тарк этаётган меҳмонларни қаршилаш шарафдир. Небраскадаги жаҳон даражасидаги тиббий ходимлар америкаликларни ҳимоя қилиш ва одамлар саломатлигини сақлаш учун саъй-ҳаракатларни тобора оширишмоқда”, деб айтган Рикеттс.

Аввалроқ анъанавий қўл бериб сўрашиш ўрнига унинг ҳазиломуз варианти - оёқ учларини теккизиб қўйиш таклиф қилинганди. «Замин»ни Telegram’да ўқинг!