Нефт нархи тушди ва Россия рубли ҳам кескин қадрсизланди

Жаҳон бозорида нефт нархи кескин тушиб кетгандан сўнг Россия рубли ҳам қадрсизланди.
Айни вақтда Халқаро валюта бозорида 1 АҚШ доллари 72,04 рублга бахоланмоқда. Евро эса 82,1 рублга тенг бўлиб турибди.

Бугун, 9 март санасида Brent нефти қиймати 31,43 долларни ташкил этмоқда. Ушбу ҳолат Россия ОПЕК+дан чиқиб кетиши натижасида юзага келди.

Охирги марта Brent нефти 2004 йилда шундай қийматда сотилган эди. Эслатиб ўтамиз, 6 март санасида ОПЕК+ аъзолари шартнома муддатини узайтириш бўйича келишувга эриша олмади.
Келишувни бекор қилиш ташаббуси Россия томонидан чиққан. Айни вақтдаги шартнома муддати 31 мартда якунига етади. «Замин»ни Telegram’да ўқинг!