Месси коронавирус туфайли инсонлардан масъулиятлироқ бўлишни сўради

^{Фото: Getty Images}
«Барселона» сардори Лионель Месси мухлисларга коронавирус пандемияси билан боғлиқ вазият борасида мурожаат қилди.
«Барча учун оғир кунлар келди. Биз нима бўлаётганидан хавотирдамиз ва азоб чекаётганларга ёрдам беришни хоҳлаймиз. Касалхона ва соғломлаштириш марказларида ушбу вирусга қарши курашаётган инсонларнинг барчасига жасорат тилаган бўлардим.

Инсон саломатлиги ҳар нарсадан устун бўлиши лозим. Ҳаммамиз соғлиқни сақлаш идораларининг кўрсатмаларига амал қилишимиз керак. Фақат шу йўл билан муаммони бартараф эта оламиз.

Вазиятга масъулиятлироқ ёндашишингизни ва уйда қолиб, яқинларингиз билан вақт ўтказишингизни сўрайман. Умид қиламанки, ушбу вазиятни имкон қадар тезроқ енгиб чиқамиз», – дея ёзиб қолдирган Месси ўзининг Instagram саҳифасида.

Маълумот учун, ҳозирда COVID-19 корнавируси туфайли Европанинг аксарият чемпионатлари тўхтатиб қўйилган. «Замин»ни Telegram’да ўқинг!