Фото: AP Photo
АҚШ Федерал захира тизими (ФЗТ) ўзининг навбатдан ташқари йиғилишида федерал фондлар бўйича мақсадли ставкалар диапазонини 0—0,25 фозига қадар тушириш бўйича қарор қабул қилди. Бу ҳақда регулятор сайтида хабар берилди.
Федерал захира тизими иқтисодиёт «яқинда рўй берган воқеаларни бошдан кечириб бўлгани, шунингдек, максимал бандлик ва нарх барқарорлиги мақсадларига интилаётганига ишонч ҳосил қилгунига қадар» ставкаларни нолга яқин даражада ушлаб туриш ниятида.
Шунингдек, Федерал захира тизими иқтисодиётни коронавирус таъсиридан ҳимоя қилиш учун бир қатор қўшимча чораларни эълон қилди:
- яқин ойларда у АҚШ давлат облигацияларидаги портфелини камида 500 миллиард долларга, Ginnie Mae, Fannie Mae ва Freddie Mac каби ярим давлат агентликлари томонидан чиқариладиган ипотека облигациялари портфелини эса камида 200 миллиард долларга оширади;
- Ҳозирда ФЗТ баланси 2,5 триллион доллардан ортиқ давлат облигацияларини ва 1,37 триллион долларлик агентликларга тегишли ипотека қоғозларини ўзи ичига олган. Шунда қилиб, ғазначилик облигациялари портфели 3 триллион долларга қадар, ипотека қоғозлари эса — тахминан 1,6 триллион долларга ўшади;
- Шу билан бирга, ФЗТ активлари 4,3 триллион доллардан 5 триллион долларга қадар ўшиб, рекорд натижани қайд этади (бундан олдинги рекорд 2015 йилнинг январида қайд этилган).
Федерал захира тизими, шунингдек, банкларга «дисконт ойна» деб номланувчи тўғридан-тўғри кредит бериш шартларини ҳам ўзгартирган (худди 2008 йилги инқироздаги каби). Ушбу кредитлар ставкаси бирданига 1,5 фоиз пунктига — асосий ставка эса — 0,25 фоизга пасайтирилган. Бу дисконт ставкаларининг тарихий минимум ҳисобланади (ҳатто 2008—2009 йилларда 0,5 фоизни ташкил этган). Бундан ташқари ФЗТ бу турдаги заёмлар муддатини бир кундан 90 кунга қадар узайтирди.
Бундан ташқари, Федерал захира тизими банклар учун резерв талабларини (банк томонидан ФЗТда сақланиши керак бўлган маблағлар улуши) ҳозирги 10 фоиздан нолга камайтиришга қарор қилди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Академик Қодир Ғуломов Қўшработда бўлди
Эрон зарбаси катта зарар етказмади, лекин Исроил барибир ютқазди...
Рамзан Қодировнинг 19 ёшли қизи медаль билан тақдирланди
АҚШнинг Суриядаги ҳарбий базасига ракеталар ҳужум қилди
Ўзбекистонда ўтган уч ойда қанча автомобиль ишлаб чиқарилган?
