21:57 / 28.03.2020
5 723

Коронавирус ташхиси қўйилган бемор Путин билан кўришгач “соғайиб кетди”

Коронавирус ташхиси қўйилган бемор Путин билан кўришгач “соғайиб кетди”
24 март куни Россия президенти Владимир Путин кутилмаган ташриф билан Коммунарка (Москва)даги шифохонага борган эди. У ердаги палаталардан бирида президент Гаркави исмли бемор билан учрашади. Учрашувдан сўнг Гаркави тезда "тузалиб кетди".

Бу воқеа рунетда анча шов-шувларга сабаб бўлди. Кимдир уни ФСБ ходими деб атаган бўлса, яна биров "Мосьфилм"нинг актёри деб атади. Медуза нашри ушбу бемор билан суҳбат уюштирди.

Маълум бўлишича, Дмитрий Гаркави Сеченов номидаги биринчи тиббиёт университети даволаш-диагностика алоҳида клиникаси раҳбари, ёш ортопед-шифокор экан.

У 19 март куни Коммунаркадаги юқумли касалликлар шифохонасига коронавирус эҳтимоли билан ётқизилади. Биринчи анализ натижалари салбий чиқади, яъни унда коронавирус аниқланмайди.

Гаркави чет элда бўлмаган. Нима учун айнан у билан кўришгани сўралганда, "Биринчидан, менда коронавирус аниқланмади ва бу хавфсизликни таъминлайди, иккинчидан, мен шифокорман, мен унга вирус ҳақида алжирамайман" деб жавоб беради.

Гаркави ташриф ҳақида олдиндан огоҳлантирилмаган, яъни тайёрланмаган бўлади. Фақат икки дақиқа олдин унга бу ҳақда хабар берилади.
У ҳозирда аҳволи яхшилигини ва коронавирус учун учинчи тест топширганини айтиб сўзларини якунлайди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Коронавирус ташхиси қўйилган бемор Путин билан кўришгач “соғайиб кетди”