Нью-Йоркда шифокорлар халатлар ўрнига чиқинди пакетлари кийишларига тўғри келиши мумкин

^{Фото: REUTERS/Brendan McDermid}
Нью-Йоркнинг Бруклин туманидаги тиббиёт маркази шифокорлари ва ходимлари тиббий халатлар етишмаётгани сабабли ёмғирпўшлар ва чиқиндилар учун мўлжалланган пакетларни кийишларига тўғри келиши мумкин.

Бу ҳақда ушбу марказ - SUNY Downstate Medical Center президенти Уэйн Райли CNN телеканалига маълум қилди.
Унинг таъкидлашича, тиббиёт муассасасида фақат 1,5 кунгагина етадиган халат қолган.

“Бизни давлат захирасидан қачон таъминлашларини кутиб ўтиролмаймиз. Бизга давлат захираси деярли тугагани маълум. Шу сабабли ушбу вазиятда топқирлик қилиш керак”, деб айтган Райли.

31 март куни Нью-Йорк мэри Билл де Блазио шаҳардаги дори-дармон захираси бир ҳафтагагина етишини маълум қилган.
Айни вақтда Нью-Йорк АҚШда коронавирус тарқалиши маркази ҳисобланади. Бу ерда коронавирусга чалингалар сони 100 мингдан, қурбонлари сони эса 3 мингдан ошиб кетган. «Замин»ни Telegram’да ўқинг!