06:00 / 07.04.2020
3 663

Соғлом одамларнинг ташқи муҳитдан коронавирус юқтириш эҳтимоли маълум қилинди

Соғлом одамларнинг ташқи муҳитдан коронавирус юқтириш эҳтимоли маълум қилинди
Фото: «РИА Новости»
Соғлом одамга коронавирус юқиши ҳолатининг ўнтадан биттаси ташқи муҳитдан юз бериши мумкин. Бу ҳақда сингапурлик олимлар томонидан ўтказилган тадқиқотларга таяниб, АҚШнинг Касалликлар назорати ва профилактикаси маркази маълум қилди, деб ёзмоқда «РИА Новости».

Тадқиқот 2020 йилнинг 23 январидан 16 мартига қадар Сингапурда 243 нафар беморнинг текширувлари асосида ўтказилган. Уларнинг 157 нафари мамлакат ҳудудида касалланган.

Хусусан, 52 ёшли аёл коронавирусни черковдаги ўриндиққа ўтириб юқтириб олган. Мазкур ўриндиққа аёлдан бир неча соат олдин икки нафар хорижлик вирус ташувчи ўтирган. Ўша вақтда мазкур хорижликларда касаллик аломатлари юзага чиқмаган эди.

Таъкидланишича, коронавируснинг аломатлари юзага келишидан олдин тарқалиши унинг олдини олиш бўйича чораларни қийинлаштирмоқда ва ижтимоий масофа сақлаш зарурлигини кўрсатмоқда. АҚШнинг Касалликлар назорати ва профилактикаси маркази мамлакат Соғлиқни сақлаш вазирлигини касалланганлар билан алоқада бўлганларни аниқлашда ташқи муҳитдан зарарланиш эҳтимолини ҳисобга олишга чақирган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Соғлом одамларнинг ташқи муҳитдан коронавирус юқтириш эҳтимоли маълум қилинди