10:50 / 08.04.2020
5 030

Россияда коронавирус инфекцияси қачон ўзининг энг юқори чўққисига чиқиши маълум қилинди

Россияда коронавирус инфекцияси қачон ўзининг энг юқори чўққисига чиқиши маълум қилинди
Фото: «ТАСС»
Россия Федерал тиббий-биологик агентлиги раҳбари, собиқ соғлиқни сақлаш вазири Вероника Скворцова мамлакатда COVID-19 коронавирус инфекцияси 10-14 кундан кейин ўзининг энг юқори чўққисига чиқишини маълум қилди, деб хабар беради «Интерфакс».

«Математик ва биологлардан иборат гуруҳнинг ҳисоб-китобларига кўра, тестлар сонини оширадиган бўлсак, 10-14 кундан кейин ушбу инфекция билан платога чиқамиз», — дейди Скворцова.

Собиқ вазирнинг сўзларига кўра, коронавирус тарқалишига қанча вақт кетган бўлса, эпидемиянинг йўқолишига яна шунча вақт керак бўлади. «Июннинг биринчи декадасига — тахминан июнь ўрталарига қадар платода бўламиз», — дейди у.

Шунингдек, Скворцова 10 апрель куни коронавирусни 15-20 дақиқада аниқловчи чиплар тақдим этилишини маълум қилди.
7 апрель ҳолатига кўра, Россияда 7497 кишида коронавирус инфекцияси аниқланган, 58 киши вафот этган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Россияда коронавирус инфекцияси қачон ўзининг энг юқори чўққисига чиқиши маълум қилинди