Алматида таксичиларнинг мижозларни шаҳардан олиб чиқувчи айёрона усули ошкор бўлди

^{Фото: Getty Images}
Қозоғистоннинг Алмати шаҳри полицияси хусусий такси ҳайдовчилари томонидан фуқароларни карантин ҳудуддан олиб чиқиш учун қўлланаётган айёрона усулини аниқлади.

Caravan.kz хабарига кўра, бу схемада таксичилардан ташқари, шаҳар чегарасидаги икки хонадон эгалари ҳам иштирок этган.
Схема бундай ишлаган: таксичи мижозни шаҳар чеккасидаги уйга олиб келган. Мижоз таксидан тушиб, уйга кириб, ҳовли орқали чегарани кесиб ўтиб, вилоят ҳудудидаги бошқа уйнинг ҳовлисига кирган. У ердан чиқиб, иккинчи таксига ўтирган ва манзилига етиб олган.

Схеманинг ҳар бир иштирокчиси ўз улушини олган. Хусусан уй эгалари ҳар бир мижоздан 3 минг танга (7 доллар) ишлаб олишган.
Хабарга кўра, таксичилар ва уй эгалари қўлга олинган. Энди уларнинг хатти-ҳаракатларига ҳуқуқий баҳо берилади.

Қозоғистоннинг Маъмурий жавобгарлик кодексига асосан, карантин қоидаларини бузганлик учун 60 доллар миқдоридаги жарима ёки 15 сутка қамоқ жазоси кўзда тутилган. «Замин»ни Telegram’да ўқинг!