Коронавирусни бутунлай енгган биринчи мамлакат маълум бўлди. У Хитой эмас...

Гренландия ороллари COVID-19ни бутунлай мағлубиятга учратган дунёдаги биринчи ҳудуд бўлди.
Worldometerнинг ёзишича, Дания ичидаги автоном бўлган оролнинг Нуук шаҳрида коронавирус билан боғлиқ ҳолат март ойининг ўрталаридан апрель ойининг бошларига қадар қайд этиб келинган.

Бироқ 4 апрелдан бери бирон бир янги инфекция ҳолати аниқланмаган. Умуман мамлакатда ушбу инфекция билан боғлиқ 11 та ҳолат қайд этилган. Бугунга келиб беморларни барчаси тузалган.
Мамлакатда касалликнинг биринчи ҳолати аниқлангандан бери жами 912 киши коронавирус учун тестдан ўтган.

High North News маҳаллий нашрининг хабар беришича, ушбу воқеа муносабати билан Бош вазир Ким Кильсенинг баёнот беришича, ҳукумат эндиликда коронавирус пандемияси натижасида жорий этилган карантин чораларини аста-секин бекор қилиб боради.
Ер юзидаги энг катта орол ҳисобланган Гренландиянинг аҳолиси 57 728 (2016 йилги маълумот) нафар кишини ташкил этади. «Замин»ни Telegram’да ўқинг!