11:25 / 16.04.2020
3 013

Россиялик шифокорлар америкалик олимларнинг COVID-19 бўйича тадқиқот хулосаларига баҳо берди

Россиялик шифокорлар америкалик олимларнинг COVID-19 бўйича тадқиқот хулосаларига баҳо берди
Фото: «РБК»
Россиялик инфекционистлар Eurakalert’да чоп этилган тадқиқотлар хулосасига баҳо берди, деб хабар беради «РБК»га таяниб Дарё нашри.
Тадқиқот натижаларига кўра, АҚШдаги Цинцинати универистети олимлари COVID-19 билан касалланган беморларда тумов бўлмаслигини, лекин таъм билиш қобилияти йўқолиши мумкинлигини таъкидлаган. Ушбу аломат касалликнинг дастлабки босқичидаги асосий белгиларидан бири бўлиши тахмин қилинмоқда.

«Бу ҳақда хитойлик, европалик олимлар ҳам ёзганди, биз ҳам амалиётда коронавирус инфекциясини юқтириб олган беморларда ОРВ ва гриппдаги каби тумов йўқлигини гувоҳи бўляпмиз. COVID-19 билан касалланганларнинг сўлакларида бузилиш кузатилади, бу шишни келтириб чиқаради ва оқибатда таъм сезиш қобилияти заифлашади», — дея таъкидлаган Россия халқлар дўстлиги университети инфекционист-врачи Галина Кожевникова.

Олиманинг айтишича, таъм сезиш қобилияти барчада бирдек йўқолаётгани йўқ, тахминан 30 фоиз беморларда кузатилмоқда.

«Бу ягона ва асосий симптом эмас. Иститма кўтарилишидан ташқари, касалликнинг асосий белгиси бу — йўтал, қийналиб нафас олиш ва ҳолсизлик. Йўтал кўп ҳолларда қуруқ бўлади, лекин пневмония даражасидаги айрим вазиятларда қуруқ бўлмаслиги ҳам мумкин. Бу кўпинча касалликнинг кейинги босқичларида кузатилмоқда», — дейди Кожевникова.

Юқумли касалликлар бўйича мутахассис Илья Акинфиевга кўра коронавирус инфекциясида тумовнинг умуман бўлмаслиги асоссиздир.

«Аслини олганда коронавирус инфекциясининг асосий белгиси бу — иситма, тана ҳароратининг кўтарилиши. Иккинчиси — қуруқ йўтал. Пневмонияда қуруқ йўталнинг кузатилиши одатий ҳолат. Учинчи белги бу — организмда интоксикация кузатилиши: бош оғриши, мушакларда оғриқлар кузатилиши», — деган шифокор.

Акинфиев касаллик турлича ўтиши, ҳатто тумов билан ёки бурунда ҳеч қандай ўзгаришсиз шаклда ҳам кузатилиши мумкинлигини қўшимча қилган. Шифокор бунинг коронавирус ёки у эмаслигини фақат таҳлиллар олинганидан кейингина аниқ айтиш мумкинлигини қайд этган.

«COVID-19’нинг симптомлар кузатилмайдиган шакли ҳам учраётганини унутмаслик лозим, яъни касаллик ташувчиси бўлган инсон ўзи коронавирус юқтирганини билмаслиги ва уни атрофдагиларга юқтиришда давом этиши ҳам мумкин», — деган юқумли касалликлар шифокори.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Россиялик шифокорлар америкалик олимларнинг COVID-19 бўйича тадқиқот хулосаларига баҳо берди