Икки ой шифохонада ишлаб келган отани ҳатто қизи ҳам танимади

^{Фото: «Dosug.md»}
Хитойнинг Гуйчжоу провинциясида 3 ёшли қизалоқ отаси — Уханда узоқ вақт хизмат сафарида бўлган тиббиёт ходими Ван Бэньсюэни танимади. Бу ҳақда «AsiaOne» хабар берди.

Бэньсюэ янги коронавирус инфекцияси тарқалишига қарши курашда қатнашиб, февралдан бери уйига келмаганди. Уханда у 21 нафар беморга ғамхўрлик қилди. Икки ой зўриқиб меҳнат қилгандан сўнг 39 ёшли тиббиёт ходимининг соч-соқоли бутунлай оқариб кетди.

Гуйчжоуга қайтгандан сўнг Бэньсюэ остонадан 3 ёшли қизини чақирди. Нима қилишини билмай қолган қизча унинг ёнига келиб: «Сиз кимсиз?» деди. Соч-соқоли оқариб кетган одамнинг отаси эканлигини таниб олиши учун унга бир неча дақиқа керак бўлди. Шундан кейингина отасининг бўйнидан қучиб олди. «Замин»ни Telegram’да ўқинг!