Дмитрий Песков Путиннинг вирусологга айланиб бораётгани ҳақида ҳазил қилди

^{Фото: «Кremlin.ru»}
Россияда коронавирус эпидемияси бошлаганидан бери давлат раҳбари Владимир Путин ушбу мавзуга шу қадар чуқур кириб кетдики, борган сари эксперт вирусолог бўлиб шаклланмоқда. Бу ҳақда президент матбуот котиби Дмитрий Песков «Россия 1» телеканали эфирида маълум қилган, деб ёзмоқда «РБК»га асосан Дарё.

Песков Путиннинг «Россияда ҳамма вирусолог» дея ҳазил қилганини эслатди. «Шахсан мен Путиннинг вирусологга айланиш йўлидан бораётганига шубҳа қилмайман», — деган Песков.

Федерал тиббий-биологик агентлиги болалар илмий-клиник маркази директори Юрий Лобзин ҳам Путин билан суҳбатлашганида унинг касаллик ҳақидаги маълумотларни билишидан ҳайратга тушганини таъкидлаган. Лобзиннинг айтишича, ҳар қандай профессионал шифокор ҳам бундай ахборотга эга эмас.

Россияда коронавирус билан боғлиқ вазият муҳокамасига бағишланган 7 апрелда ўтказилган йиғилишда Путин мамлакатдаги ҳаммани вирусологлар деб ҳисоблашини қайд этган. Бироқ коронавирус билан боғлиқ вазият жиддийлигини инобатга олиб биринчи навбатда ҳақиқий мутахассисларнинг тавсияларига қулоқ солиш кераклигига урғу берганди.

Песков ҳам Путиннинг келаси ҳафтада COVID-19 эпидемияси борасида Россия фуқароларига мурожаат йўллаши мумкинлигини инкор этмаган. У президент мамлакатни босқичма-босқич карантин тартибидан чиқариш ҳақида гапириши мумкинлигини қайд этган. Матбуот котиби нима бўлган тақдирда ҳам чекловлар босқичма-босқич олиб ташланишини таъкидлаган. “Замин” янгиликларини “Twitter”да кузатиб боринг