18:40 / 27.04.2020
4 091

Дмитрий Песков Россияда карантин қачон тугашини прогноз қилди

Дмитрий Песков Россияда карантин қачон тугашини прогноз қилди
Фото: «РИА Новости»
Россия президентининг матбуот котиби Дмитрий Песков мамлакатда COVID-19 коронавирус инфекцияси билан касалланиш ҳолатлар май ойининг ўрталарига бориб энг юқори чўққисига чиқишини тахмин қилмоқда. Бу ҳақда у «AIF.ru»га берган интервьюсида маълум қилган.

Песковнинг сўзларига кўра, Италия ва Испанияда коронавирус тарқалишининг критик даври бир ярим ой давом этган. «Биз ҳам май ойининг ўрталарига бориб, ушбу платога етишимиз керак. Шундан сўнг ёз фаслининг биринчи ойидан анча енгиллашади. Ва ҳозирги барча қийинчиликлар унут бўлиб кетади», — дейди Песков.

Аввалроқ Россия Федерал тиббий-биологик агентлиги раҳбари, собиқ соғлиқни сақлаш вазири Вероника Скворцова мамлакатда COVID-19 коронавирус инфекцияси апрель ойининг охирларига бориб ўзининг энг юқори чўққисига чиқишини маълум қилганди.

Дмитрий Песковнинг сўзларига кўра, Россияда коронавирус эпидемияси бошланганидан бери давлат раҳбари Владимир Путин ушбу мавзуга шу қадар чуқур кириб кетган ва у борган сари эксперт вирусолог бўлиб шаклланмоқда.

Эслатиб ўтамиз, Россияда коронавирус билан касалланганлар сони 87 минг кишидан ошиб кетди. Мамлакат COVID-19 билан касалланишлар сони бўйича Хитойдан олдинга ўтиб, дунёда тўққизинчи ўринга чиқиб олган. Ҳозирга қадар бутун Россия бўйлаб 794 киши коронавирус қурбонига айланган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Дмитрий Песков Россияда карантин қачон тугашини прогноз қилди