Тожикистонда расман 15 кишида коронавирус аниқлангани айтиляпти. Бу ҳақда мамлакат бош вазири Қоҳир Расулзода бошчилигида ўтган республика штабининг фавқулодда йиғилишида маълум қилинган.
Asia-Plus нашри хабар беришича, коронавирусга қарши кураш учун тузилган махсус штабнинг фавқулодда йиғилишида ҳам Тожикистонда коронавирус аниқлангани эълон қилинган. Йиғилишда мамлакат бош вазири Қоҳир Расулзода ҳам қатнашган. Коронавирусга чалинган 15 беморнинг 10 нафари Душанбеда, 5 нафари Сўғдда қайд этилган.
Ҳозирда Тожикистонда 2 минг киши назорат остига олинган.
Тожикистонда коронавирус борлиги ҳақидаги ваҳима апрель ойи бошида пайдо бўлганди. Ўшанда 59 ёшли Ҳабибулло Шодиев пневмонияда вафот этганди. Бу одам Қирғизистондаги қариндошининг тўйида коронавирус юқтиргани ҳақида миш-мишлар тарқалди. Соғлиқни сақлаш вазирлиги эса бундай хабарларни рад этиб, бемор ўлимига пневмония сабаб бўлганини маълум қилди.
Қизиғи, бу ўлим ҳолатидан сўнг марҳум Шодиевнинг барча оила аъзолари ва уни даволаган шифокорлар карантинга олинди. 11 апрель куни оламдан ўтган Ҳабибулло Шодиевнинг акаси билан алоқада бўлган шифокорлардан бири ҳам оламдан кўз юмди ва мамлакатда миш-мишлар яна кўпайди. Расмий маълумотда эса шифокор юрак касалидан ўлгани айтилди.
Кейинроқ Шодиевнинг дафн маросимида қатнашган 56 ёшли қариндоши Абдухалил Жўрабоев ҳам пневмониядан вафот этди. Шундан кейин ҳам Тожикистонда коронавирус борлиги эълон қилинмаган ва мамлакат доимий тарзда коронавируссиз мамлакатлар қаторида эътироф этиб келинаётганди.
Тожикистонда коронавирус аниқлангани эълон қилингач, кўчада тиббий ниқобда юриш мажбурий қилиб белгиланган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ҳусийлар Россия нефтини олиб кетаётган кемага ракеталар учирди
Ўзбекистон U-23 терма жамоаси Индонезияни мағлуб этиб, финал ва Париж Олимпиадаси йўлланмасини қўлга киритди
Олмаотада ўликхона қўриқчиси жасадларни зўрлаганликда гумон қилинмоқда
Тошкентда «права» олиб бериш билан боғлиқ фирибгарлик ҳолатлари фош этилди
Президент Олимпиадага йўлланма олган футболчиларга табрик йўллади
Осиё кубоги: Ўзбекистоннинг ғалабасига хориждан қандай муносабат бўлмоқда?
Хитойда автомобиль йўлининг ўпирилиши оқибатида камида 24 киши ҳалок бўлди
