АҚШда COVID-19 юзасидан муҳим кашфиёт қилишга яқин турган хитойлик профессор ўлдириб кетилди

^{Фото: Twitter}
АҚШ полицияси Питтсбург университети тадқиқотчиси Бин Люнинг ўлими юзасида тергов-суриштирув ишларини олиб бормоқда. Олим коронавирус пандемиясига сабаб бўлган инфекция ҳақида муҳим кашфиёт қилишга яқин турганди. Бу ҳақда CNN хабар қилган.

Хабарга кўра, эркак 2 май куни ўз уйидан ўлик ҳолда топилган, Люнинг бўйин қисми, боши, танаси ва қўл-оёқларида ўқотар қуролдан яраланиш аломатлари бўлган.

Терговчилар Люни таниши отгани ва қотилликдан кейин уйдан чиқиб, машинасига ўтириб ўз жонига суиқасд қилган деб ҳисобламоқда.
Ҳуқуқ-тартибот идоралари профессорнинг хитойлик бўлгани учун отиб ўлдирилгани ҳақидаги тахминлар ҳақиқатдан йироқлигини билдирган.

Олимнинг ҳамкасблари, Люнинг SARS-CoV-2 ҳужайра организмлари ва улар чақирадиган ўзгаришларнинг принциплари ҳақида кашфиёт қилиш арафасида бўлганини таъкидлаган. “Замин” янгиликларини “Инстаграм”да кузатиб боринг