Ашраф Ғани ва Абдуллоҳ Абдуллоҳ сиёсий битим тузди

^{Фото: Anadolu Agency}
Афғонистон президенти Ашраф Ғани ва унинг бош сиёсий рақиби, собиқ бош вазир Абдуллоҳ Абдуллоҳ мамлакатда бир неча ойдан бери давом этаётган сиёсий инқирозга барҳам бериш мақсадида 18 май куни сиёсий битим тузди. Бу ҳақда твиттерда Ғанининг матбуот котиби Содиқ Содиқий [leech=https://zamin.uz/index.php?do=go&url=aHR0cHM6Ly9rdW4udXovbmV3cy8yMDIwLzA1LzE3L2FzaHJhZi1nYW5pLXZhLWFiZHVsbG9oLWFiZHVsbG9oLXNpeW9zaXktYml0aW0tdHV6ZGk%3D]маълум қилди[/leech].

“Доктор Абдуллоҳ миллий ярашув бўйича олий кенгашга раҳбарлик қилади ва унинг жамоаси аъзолари вазирлар маҳкамаси таркибига киритилади. Қолган тафсилотлар яқин орада маълум қилинади”, деб айтган Содиқий.

Афғонистонда 2019 йил сентябрда ўтган президент сайловларидан кейин сиёсий инқироз юзага келганди. Сайловлар натижалари 5 ойдан кейин эълон қилинган. Мамлакатнинг мустақил сайлов комиссияси ўшанда Ашраф Ғанини президент сайловлари ғолиби деб эълон қилганди. Бунга қолган номзодлар, жумладан унинг асосий рақиби Абдуллоҳ Абдуллоҳ рози бўлмаган.

9 март куни Кобулда Ғанининг инаугурацияси бўлиб ўтган. Шу куниёқ Абдуллоҳ ўзини президент деб эълон қилиб, ўз инаугурациясини ўтказган. «Замин»ни Telegram’да ўқинг!