12:38 / 01.06.2020
4 645

Миннеаполисда юк машинаси тўғри норозилик намойиши иштирокчилари устига ҳайдалди (видео)

Миннеаполисда юк машинаси тўғри норозилик намойиши иштирокчилари устига ҳайдалди (видео)
Фото: NBC News
Миннеаполисда юк машинаси шаҳардаги кўприк устида тўпланган намойишчилар устига ҳайдалди. Бу ҳақда Миннесота жамоат хавфсизлиги департаменти хабар берди.

Маълумотларга кўра, норозилик намойиши иштирокчиларидан ҳеч кимга жароҳат етмаган, бироқ юк машина ҳайдовчиси шифохонага ётқизилган. У норозилик намойиши иштирокчиларини босиб кетишга урингани сабаб ҳибсга олинган.

NBC’нинг таъкидлашича, юк машинаси катта тезликда одамлар томон ҳаракатланган, намойишчилар қочишга улгуриб қолган. Миннеаполис губернатори Тим Вальц юк машинаси ноқонуний равишда ёпиқ трасса бўйлаб ҳаракатланганини маълум қилган. Ҳайдовчининг бундай йўл тутишига нима сабаб бўлгани номаълум.

Тартибсизликлар ва полиция билан тўқнашувларга олиб келаётган норозилик намойиши 25 май куни Миннеаполисда полиция томонидан қўлга олинган 46 ёшли афро-америкалик Жорж Флойд вафот этганидан сўнг бошланди. АҚШнинг 25 та шаҳрида оммавий норозиликлар сабаб комендантлик соати эълон қилинган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Миннеаполисда юк машинаси тўғри норозилик намойиши иштирокчилари устига ҳайдалди (видео)