13:25 / 03.06.2020
3 981

Тириклайин кўмилган одам бир амаллаб қабрдан чиқди

Тириклайин кўмилган одам бир амаллаб қабрдан чиқди
Фото: «РИА Новости»
Ҳиндистоннинг Гондал шаҳрида яшовчи Капил Маракана бир амаллаб қабрдан чиқди. Ёвуз ниятли кимсалар уни тириклайин кўмиб юборишганди, дея хабар берди «The Times of India» маҳаллий полиция маълумотларига таяниб.

Таъкидланишича, ўзининг зарар кўришларида Капилни айблаган собиқ иш берувчи шериклари билан бирга уни ўғирлаб кетиб, роса калтаклашган. Кейин оёқ-қўлларини боғлаб, тириклайин кўмиб юборишган. Шундан сўнг жиноят жойини тарк этишган.

«Маракана жон аччиғида қум остида бурала бошлаган ва бир оёғини чиқариб олган. Бир қанча уринишлардан сўнг тириклайин кўмилган одам қум остидан чиқишга муваффақ бўлган», — дея маълумот берган ҳуқуқ-тартибот органи ходимлари.

Жабрланувчи яқин орада жойлашган турмагача югуриб бориб, содир бўлган воқеа ҳақида полицияга хабар берган. Жиноятчилар қўлга олинган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)