7 июнда Японияда ва Европанинг бир нечта давлатлари, жумладан Испания, Италия, Бельгия, Швецияда ирқчиликка қарши кўп минг кишилик норозилик намойишлари бўлиб ўтди. Ушбу намойишлар АҚШда полиция томонидан қўлга олиниш вақтида қора танли Жорж Флойд ҳалок бўлгани билан боғлиқ ҳолда ўтказилмоқда.
Испанияда энг йирик намойиш пойтахт Мадридда ўтган. Бу ерда АҚШ элчихонаси ёнида бир неча ўн минг киши тўпланган. Намойишчилардан кўпида “Мен бўғиляпман” деган ёзувли плакатлар бўлган. Флойд қўлга олиниш вақтида полициячилардан бири унинг бўйнини тиззаси билан босиб турганда айнан шу сўзларни айтган эди. Намойишчилар Испания ҳукуматини ирқчиликка қарши курашни кучайтиришга чақиришган. Шунингдек, қиролликнинг бошқа шаҳарлари – Барселона, Лерид, Севилья, Валенсия, Бильбаода ҳам намойишлар ўтказилган.
Шунингдек, Италияда ҳам кўп минг кишилик намойишлар ўтказилган. Жумладан, пойтахт Рим кўчаларига минглаб кишилар чиққан. Бельгияда Брюссель марказидаги адолат саройи яқинида минглаб намойишчилар тўпланган. Ҳукумат намойишчилар билан пандемия шароитида ҳеч қандай юришларсиз, бир жойда ўтказиладиган намойиш бўйича келишиб олган. Намойишчилардан ўзаро масофа сақлаш сўралган.
Шунингдек, Швецияда навбатдаги намойиш бўлиб ўтди. Гётеборг кўчаларига 2 мингга яқин киши чиққан. Аввалроқ шундай намойишлар Стокҳолм ва Мальмёда бўлиб ўтганди.
Япониянинг Осака шаҳрида Black Lives Matter (Қора танлилар ҳаёти муҳим) қўллаб-қувватловига осойишта марш ўтган. Унда 3 минггача намойишчи иштирок этган.
Худди шундай акциялар 6 июнда Германия, Британия ва Францияда бўлиб ўтганди. Берлиндаги намойишлар вақтида 30 га яқин полициячи жароҳат олган, 90 дан кўпроқ намойишчи ҳибсга олинган. Лондонда эса намойишчилар ва полиция ўртасидаги тўқнашувларда 20 га яқин полициячи жабрланган.
Франциянинг Марселида намойишчилар полициячиларга қарата шиша идишлар ва тошлар улоқтиришган. Полиция бунга жавобан кўзни ёшлатувчи газ қўллаган. Париждаги намойишлар эса жиддий ҳодисаларсиз ўтган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
