Россия нега Қирғизистондаги ҳарбий базасини кучайтирмоқда?

Россия Қуролли Кучларининг Ўрта Осиёдаги муҳим таянч нуқталаридан бири - Кант қирғиз авиабазаси модернизация қилинади ва қўшимча қуроллар билан таъминланади. Бу Россиянинг минтақадаги ҳарбий иштирокини кучайтиришнинг ягона белгиси эмас ва буни одатда Афғонистондаги асоратларга қарши курашиш сифатида талқин қилинади. Бироқ, ҳозир маълум бўлишича, Афғонистон ягона сабаб эмас.

Қирғизистон парламенти Россия билан Кант авиабазасидан фойдаланиш бўйича қўшимча келишувни ратификация қилишга тайёрланмоқда. Бу йил авиабазада учувчисиз самолётлар ҳам пайдо бўлган ва энди уни ҳаво мудофаа тизимлари билан кучайтиришни режалаштиришмоқда. Учиш-қўниш йўлагини Россия уни модернизация қилишга киришди. Янги шартномага биноан, ижара ҳақи 4,5 миллиондан 4,8 миллион долларгача ошади, чунки авиабазанинг майдони 58 гектарга кенгаяди. Учиш-қўниш йўлагини модернизатсия қилишга Россия 2,5 миллиард рубл сарфлайди: бу Қирғизистон парламенти вакиллари айтаётган пул.

Янги келишувда ушбу аэродром вақтинча Россия тасарруфига ўтказилиши керак. Учиш-қўниш йўлагини вақтинча мулкка ўтказиш тўғрисидаги ушбу банддан маҳаллий қирғиз оммавий ахборот воситаларида шовқин кўтарилган. Шунинг учун депутатлар дастлаб 4 июнга режалаштиришган ратификацияни кейинга суришган. Шу йил бошида Қирғизистон армиясига "Бук" зенит-ракета тизими, Ми-8 вертолётлари ва бошқа қуролларни етказиб бериш ҳақида ваъда қилинган эди.

Бир қатор маҳаллий журналистларнинг таъкидлашича, базани модернизатсия қилиш билан Россия "бу ҳудудни Қирғизистондан абадий тортиб олади". Ушбу воқеага ижтимоий тармоқлар фаоллари ҳам қўшилишди. “Биз ўз ватанимизни рус босқинчиларига бермаймиз! Ҳамма Оқ уйдаги митингга!” каби шиорлар билан улар қирғиз интернетини тўлдириб юборишди. Россия элчихонаси бунга расмий рад жавобини беришга мажбур бўлди.

2019 йилда бошқа бир қўшни мамлакат - Тожикистон республикаси армиясига ҳам беғараз қурол-яроғлар топширилгани ҳақида хабар берилган эди. 300 дона зирҳли транспорт воситалари, артиллерия мосламалари, Ми-8 ва Ми-24 вертолётлари, ҳаво мудофаа тизимлари ва бошқа ускуналар етказиб берилди. Шунингдек, тожик томони билан Тожикистонда жойлаштирилган Россиянинг 201-ҳарбий базаси ҳудудида 20 дан ортиқ объектларни қуриш тўғрисида келишувларга эришилган. Ўтган йилдан бошлаб ҳарбий дронлар ҳам жойлаштирила бошланди.

Бошқача қилиб айтганда, Кант авиабазасини модернизация қилиш - бу кўп воқеалар занжирининг яна бир бўғини. Савол туғилади: Россия Марказий Осиёда ҳарбий мавқеини мустаҳкамлашга интилишининг асл сабаби нима?

Манба: Azon.uz