18:45 / 07.07.2020
3 926

Олимлар яқин йиллар ичида янги турдаги коронавирус пайдо бўлишини прогноз қилмоқда

Олимлар яқин йиллар ичида янги турдаги коронавирус пайдо бўлишини прогноз қилмоқда
Яқин ўн йилликда ҳайвондан инсонга юқиши мумкин бўлган янги коронавирус тури пайдо бўлади, бироқ унинг қанчалик жиддий хавфга айланишини ҳозирча олдиндан айтиш мушкул. Бу ҳақда сингапурлик олимларга таяниб, The Straits Times’ хабар берди.

«Янги турдаги коронавирус тарқалишини аниқ кутиш керак», — дейди Сингапур Миллий университети қошидаги янги юқумли касалликлар дастури раҳбари, профессор Ван Линьфа. Унинг сўзларига кўра, бу қачон содир бўлиши ва қанчалик жиддий тус олиши борасида ноаниқлик мавжуд.

Профессорнинг таъкидлашича, олимлар SARS-CoV-2 инсонлардан ҳайвонларга, бироз вақт ўтиб яна тескари йўналиш бўйлаб тарқалиши мумкинлигидан хавотирда.

2013 йилда MERS (Яқин Шарқ респиратор синдроми) аниқланганидан сўнг олимлар яқин йиллар ичида вируснинг янги тури пайдо бўлишини, Жанубий Америкада вазият оғир тус олишини олдиндан айтган эди. Ҳозирда Бразилияда коронавирусга чалинганлар сони 1,6 миллион кишидан ошмоқда. Линьфанинг қайд этишича, кўплаб жойларда яшайдиган кўршапалаклардан касалликнинг қайта тарқалиш эҳтимоллиги энг пессимистик қарашлардан бири ҳисобланади.

Шу билан бирга, Со Сви Хок номидаги Жамоат соғлиғини сақлаш мактаби раҳбари ўринбосари Алекс Кукнинг таъкидлашича, айни вақтда коронавирус билан касалланганлар сони расмий кўрсаткичлардан 10 баробар кўп бўлиши мумкин.

«Олимлар аниқ рақамларни айта олмайди, чунки кўплаб беморларда касаллик белгисиз ўтмоқда», — дейди эксперт.
Унинг сўзларига кўра, буни аниқлашнинг ягона усули — антитаначалар учун таҳлил топшириш.

Манба: Daryo.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Олимлар яқин йиллар ичида янги турдаги коронавирус пайдо бўлишини прогноз қилмоқда