10:18 / 12.07.2020
2 660

Илон Маск дунёнинг энг бой одамлари рейтингида Уоррен Баффеттни ортда қолдирди

Илон Маск дунёнинг энг бой одамлари рейтингида Уоррен Баффеттни ортда қолдирди
Фото: Reuters
SpaceX ва Tesla бош директори ҳамда асосчиси Илон Маск миллиардерлар рейтингида 70,5 миллиард доллар билан Уоррен Баффеттни ортда қолдириб, еттинчи ўринни эгаллади, дея хабар берди Bloomberg.

Бунга 10 июль куни Tesla акциялари 11 фоизга ошигани сабаб қилиб кўрсатилмоқда. Акция қимматлашиши натижасида Маскнинг умумий бойлиги 6,1 миллиард долларга ўсган.

Berkshire Hathaway директорлар кенгаши раиси Уоррен Баффеттнинг бойлиги эса 69,2 миллиард долларга баҳоланмоқда. Шунингдек, Маск рейтингда Oracle компанияси ҳаммуассиси Ларри Эллисон ва Google асосчиларидан бири Сергей Бринни ортда қолдирган.

Таъкидланишича, Илон Маск Tesla акцияларининг бешдан бир қисмига эгалик қилади, бу унинг бойлигининг асосий қисмини ташкил этади.

Маълумот учун, Tesla акциялари 2020 йилда 269 фоизга ўсди. 10 июль куни биржада автомобиль ишлаб чиқарувчисининг битта акцияси баҳоси 1554,65 долларни ташкил қилди.

Манба: Daryo.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Илон Маск дунёнинг энг бой одамлари рейтингида Уоррен Баффеттни ортда қолдирди