Коронавирус қайта юқиши мумкинлиги илк бор исботланди

Ҳонконг университети олимлари коронавирус инфекциясига бир марта чалинган одам уни қайта юқтириши ҳолати биринчи бор ўз тасдиғини топганини маълум қилишди. Бу ҳақда The New York Times нашри хабар берди.

Манбада айтилишича, 33 ёшли эркак COVID-19’дан соғайиб чиққандан тўрт ой ўтиб, яна шу дардга йўлиққани аниқланган. Илк бор касалликка чалинган пайтида беморда енгил белгилар кузатилган бўлса, иккинчи сафаргиси симптомларсиз кечган.

Ҳолатни ўрганган олимларнинг айтишига қараганда, бу бемор Испаниядан қайтиб келганидан сўнг унда янги инфекция борлиги аниқланган. Ўтказилган текширишлардан сўнг, унинг штамми ўша эркак биринчи бор юқтириб олган вирусдан сезиларли фарқ қилиши, кўпроқ июль-август ойларида Европада кузатилган COVID-19га ўхшаб кетиши маълум бўлди.

Бундан олдин АҚШ ва бошқа давлатларда ҳам коронавирусга такрорий чалиниш ҳолатлари юз бергани тахмин қилинган, аммо бу чуқур тадқиқотлар билан исботлаб берилмаган эди. «Замин»ни Telegram’да ўқинг!