Чень Фэн / Фото: nytimes.com
Хитой суди миллиардер, HNA туристик ва молия конгломерати раҳбари Чень Фэнга ҳашаматга пул сарфлашни тақиқлади. Бунга эса унинг компанияси катта қарзга эгалиги сабаб бўлган. Миллиардернинг яшаши ва ишлаши учун зарур бўлган харажатлардан бошқалари тақиқ остига тушган.
Жумладан, эндиликда Чень Фэннинг самолётларнинг биринчи синфида учиши, тез юрар поездлардан фойдаланиши, қиммат курортлар ва люкс меҳмонхоналарда тўхташи, қимматбаҳо офисларни ижарага олиши тақиқланади. Унга, шунингдек, уйида қиммат таъмирлаш ишлари ўтказиш ҳам ман қилинди.
Миллиардер катта сумма ишлатишдан олдин махсус рухсат олиши керак бўлади.
Бундай қатъий чоралар кўрилишига компания март ойида чиқарилган суд ҳукмини инкор этгани сабаб бўлган.
2 йил аввал хитойлик аёл миллиардернинг компаниясига тегишли Jubaohui платформаси орқали иккита инвестициявий маҳсулот харид қилган. Бироқ у бу харидлар бўйича дивидендлар олмагач, судга арз қилган. Суд чиқарган қарорга кўра HNA 10 кун ичида аёлга барча тегишли пулларни фоизи билан бирга тўлаши керак бўлган, бироқ буни қилмаган.
Бундан ташқари, компанияда қимматбаҳо кўчмас мулк ва Hilton, Deutsche Bank ва Virgin Australia компаниялари акцияларини сотиб олганидан кейин ўнлаб миллиард долларлик қарздорлик вужудга келган, чунки ушбу харидларни қарзга олинган пуллар эвазига амалга оширган. Компания катта миқдордаги қарз сабабли ўз активларини сота бошлаган.
Сармоячилар компания ўз қарзини тўлай олишига шубҳа билдира бошлашгач, можаро чиққан. Вазият шунчалик даражага етганки, компания ўз ходимларидан қарз олишга уринган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россиялик терговчилар терактда айбланаётганлар оиласини сўроқ қилиш учун Тожикистонга келди
АҚШ полициячиларининг «ақлли қарори» Legoга маъқул келмади
Россия қўшинлари Авдеевкадаги иккита қишлоқни эгаллаб олди
Россиянинг ҳарбий операциядаги манёври Украинани ҳайратга солди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди