Фото: «РИА Новости»
Россия президенти Владимир Путин тинчлик бўйича Нобель мукофотига номзод қилиб кўрсатилди, деб хабар бермоқда «РИА Новости». Қайд этилишича, мукофот қўмитасига рус ёзувчиси Сергей Комков ариза юборган.
Meduza’нинг ёзишича, Путиннинг матбуот котиби Дмитрий Песков бундай ташаббусга Кремль қандай муносабатда эканлиги ҳақидаги саволга жавоб берар экан, Нобель мукофотига номзод сифатида «умуман турли тоифадаги одамлар» илгари сурилишини айтган. «Ва бу шундай таклиф билан чиқаётганларнинг ташаббуси. Айни ҳолатда эса у сиз тилга олган ёзувчи. Номзодларни кўриб чиқишнинг ўзига хос тартиби мавжуд. Агар қарор қабул қилинса, жуда соз. Қабул қилинмаса ҳам ҳечқиси йўқ. Бундан ортиқ бирор нима дейиш қийин», — деган у журналистларга.
Бундан бир ҳафта аввал, 19 сентябрь куни россиялик олим, Нью-Жерсидаги Ратгерс университети профессори Сергей Ерофеев сиёсатчи Алексей Навальний Нобель мукофотига номзод қилиб кўрсатилганини маълум қилганди. Унинг айтишича, ушбу мукофот учун Навальний номзодини «Россия билан шуғулланувчи таниқли университетларнинг бир қатор профессорлар илгари сурган. Ерофеев уларнинг аниқ кимлигини айтмаган, лекин «Дождь» нашрига берган изоҳда унинг номзодини кўрсатганлар орасида «катта одамлар» борлигини қайд этган.
2013 йилда Давлат думаси депутати Иосиф Кобзон ва Халқлар маънавий бирлиги ва ҳамкорлиги халқаро академияси Путинни Нобель мукофотига номзод қилиб кўрсатган. Уларнинг фикрича, Путин ушбу мукофотга «Сурия можаросини ҳал этишдаги фаол иштироки ва АҚШнинг Сурияга бостириб киришининг олдини олишга урингани» учун лойиқдир.
2020 йилдан бошлаб ҳар бир тоифадаги Нобель мукофотининг ҳажми 110 минг долларга оширилиб, 1,1 миллион долларга етган. Номзодлар 5 октябрь куни эълон қилинади. COVID-19 эпидемияси туфайли 2020 йилда мукофотни топшириш анъанавий маросими ўтказилмайди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Тошкентда 02 кодли авторақамлар тахминан қачон пайдо бўлиши айтилди
Россия дунёдаги биринчи водород ёқилғили автомобилни тақдим этди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Зоир Мирзаев “Телефонсиз мактаб”га 300 млн сўм мукофот берди
Америкалик олимлар барча учун бирдек фойдали жисмоний фаоллик турини аниқлади