Метю Поттингер (чапда).
Фото: Daily Mail
Коронавирус инфекцияси катта эҳтимол билан Хитойнинг Ухань шаҳридаги лабораториядан сизиб чиққан — касаллик манбаси ҳақидаги тахминлар орасида энг ишончга сазовори шу, дейди АҚШ президентининг миллий хавфсизлик масалалари бўйича маслаҳатчиси ўринбосари Метю Поттингер.
«Лаборатория вируснинг эҳтимолий манбаси эканини тасдиқловчи далиллар борган сари кўпайиб бормоқда», — деди Поттингер. Унинг таъкидлашича, вирус лабораториядан фавқулодда ҳодиса сабаб «қочиб чиққан» бўлиши мумкин. Бироқ АҚШ президенти маслаҳатчиси ўринбосари ўзининг бу тахминини тасдиқловчи бирор далилни тақдим этмаган.
Daily Mail нашрининг аниқлик киритишича, Поттингер бу баёнотни коронавирус пандемиясининг келиб чиқиш сабабларини ўрганиш мақсадида Уханга учиб кетадиган Жаҳон соғлиқни сақлаш ташкилоти (ЖССТ) экспертларининг тайёргарлиги билан боғлиқ анжуман давомида берган.
Конференция иштирокчиларидан бири, консерваторлар партиясининг собиқ етакчиси Иан Дункан Смитнинг изоҳлашича, Поттингернинг бу баёноти вирус лабораториядаги сизиш оқибатида пайдо бўлгани ҳақидаги назария бўйича АҚШнинг позицияси янада «қатъийлашгани»ни билдиради. Унинг айтишича, америкаликлар бу маълумотни Ухандаги институтда ишлайдиган манбадан олган.
АҚШ президенти Дональд Трамп 2020 йил май ойи бошида берган баёнотида Хитой расмийларини касаллик тарқалишининг бошланғич даврида коронавирусга доир маълумотларни яширишда айблаган эди. Ўшанда Америка етакчиси вирус Ухандаги лабораторияда сунъий яратилганини тасдиқловчи далиллари борлиги ҳақида гапирган эди.
Бироқ АҚШ Давлат департаментининг Разведка ва тадқиқотлар бюроси далиллар йўқлиги учун бу версияни тасдиқламаган. Хитой эса Трампнинг айбловларига жавобан коронавирус лабораторияда ўйлаб топилганини рад этувчи ЖССТ хулосаларини кўрсатиб ўтган эди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Damas учун онлайн контрактация очилади
Эрон президенти жиддий баёнот берди: «Исроилдан ҳеч нарса қолмайди»
Германиянинг Knauf компанияси Россиядан бутунлай чиқиб кетишини тасдиқлади
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?