Фото: Daily Mail
Таиланднинг Накхоннаёк туманида Симба лақабли уч ёшли мушук егулик илинжида уйга киришга уринган тўрт тоннали улкан филни қувиб юборди, деб хабар беради WDay.
Таъкидланишича, мушукларда ўз ҳудудини ҳимоя қилиш инстинкти итларникидан кўра яхшироқ ривожланган. Ўзига қарашли ҳудудга кимдир кирганини ҳис қилса, улар жуда агрессивлашади: турли овозлар чиқариб, панжалари билан ҳужумга отланади. Бу сафар ҳам кичкина мушукча улкан филдан қўрқмай, унга қарши туриб берди.
Маҳаллий аҳолининг сўзларига кўра, Пай Салик лақабли фил егулик илинжида тез-тез одамлар яшайдиган уйларга келиб туради. Боғ қаровчиси Амнат Норасиннинг сўзларига кўра, 35 ёшли фил қўшни ўрмонда яшайди, бироқ кечалари панадан ташқарига чиқади.
Уй эгасининг айтишича, мушук ўз ҳудудига бегона ҳайвон ташриф буюрса, ғазабга минади.
Таиландда филлар қўриқланадиган миллий ҳайвон тури ҳисобланади. Уни ўлдирган ёки зарар етказган инсонлар 3 йилгача озодликдан маҳрум этилиши ва 40 доллар жаримага тортилиши мумкин.
Экологларнинг баҳолашича, Таиланднинг ёввойи жунглилари ва қўриқланадиган миллий боғларида 2 мингга яқин фил яшайди, шунингдек, яна шунча фил тутқунликда мавжуд. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Давлат хавфсизлик хизмати маклерларга қўшиб мансабдорларни ҳам қўлга олди
Хотирани яхшилашнинг жуда оддий усули топилди
Бухоро вилоятида «Нексия-3» автомашинаси букланиб қолди
Сирдарёда бюджетга жуда кўп миқдорда зарар етказган майнинг ферма аниқланди
Нега Трамп Зеленскийни ёмон кўради?