Фото: «ТАСС»
Қирғизистонда рус тили ўзининг расмий тил мақомини сақлаб қолади. Бу ҳақда мамлакат президенти сайловида ғолиб чиққан Садир Жапаров «Россия 24» телеканалига берган интервьюсида маълум қилди, деб ёзади «РБК».
«Рус тили расмий мақомга эга эди ва бундан кейин ҳам расмий мақомда бўлади», — деди у.
Жапаровнинг эслатишича, собиқ иттифоқ тарқалиб кетганидан кейин Россия ва Қирғизистон иттифоқдош ва яқин шериклар бўлиб қолган, шу сабабли мамлакатлар ўртасида «биродарлик» алоқалари сақланиб келмоқда.
Сайланган давлат раҳбари ишонтиришича, бундан кейин ҳам Москва ва Бишкек «юқори дипломатик алоқалар»га эга бўлади. У Россияни Қирғизистоннинг асосий иттифоқдоши ва шериги деб атаб, усиз мамлакат иқтисодий ва геосиёсий жиҳатдан қийналишини таъкидлади.
Ноябрда Қирғизистон Конституциявий кенгаши аъзоси Садирдин Тўралиев мамлакатда рус тилининг расмий мақомини бекор қилиш таклифи билан чиққанди. Бунга Қирғизистон ёшлари ўз она тилида гаплашмай қўйганини сабаб қилиб кўрсатган. Аммо кейинроқ Конституциявий кенгаш рус тили расмий тил сифатида қолдирилишини маълум қилди.
Эслатиб ўтамиз, Садир Жапаров Қирғизистон президенти сайловида салкам 80 фоиз овоз олиб ғалаба қозонди.
Маълумот учун, Қирғизистондаги президент сайлови муддатидан аввал ўтказилди — бу сайловнинг ўтказилиши 2020 йил октябрида, парламент сайловларидаги эҳтимолий қоидабузарликлар сабаб бошланган тартибсизликлар туфайли аввалги давлат раҳбари Сўронбой Жээнбеков истеъфо бергач эълон қилинган эди.
Садир Жапаров октябрдаги тўполонларга қадар тартибсизликлар келтириб чиқаришда айбланиб, 10 йиллик озодликдан маҳрум қилиш жазосини ўтаётган эди. Намойишчилар босими остида у қамоқдан озод қилинди, эртасига эса парламент томонидан бош вазир этиб тайинланди. Жээнбековнинг истеъфосидан кейин эса у президент вазифасини бажарувчига айланган эди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди