«Дўстлар ташлаб кетилмайди»: Америкалик аскар қутқарган итини Суриядан олиб чиқишни қандай уддалади? (фото, видео)

^{Фото: «Домашний очаг»}
Ушбу воқеа Суриядаги ҳарбий қисмга ит олиб келинган кундан бошланган. У ердаги АҚШ армиясида Тайлер Мосли исмли оддий аскар хизмат қилган. Сапёр итни операцияларнинг бирида вафот этган акасининг жасади ёнидан топган. Ит жуда қувноқ бўлиб, тез орада барча аскарлар билан дўстлашиб кетган. Аммо у Тайлерга нисбатан бошқача муносабатда бўлган. Ўша вақтдаёқ Тайлер бу унинг ити эканлигини тушуниб етган.

Аммо ҳарбий қисмда ит учун жой йўқ эди. Командир итнинг ҳудуд атрофида эркин юришига йўл қўйилмаслигини маълум қилган, шунингдек, итга ғамхўрлик қиладиганлар бўлмаса, ундан қутулиш кераклигини ҳам айтиб ўтган. Тайлер эса итнинг уруш давом этаётган Сурия кўчаларида узоқ яшамаслигини билар эди. У ҳамиша кўча ҳайвонлари оч, ярадор, озғин ва турли паразитлар билан қопланганини кўрган эди ва итини ҳам бундай ҳолда қолишини истамади. Шунинг учун ҳам аскар уни ўз хонасида қолдирар, унга Дейзи деб исм қўйиб, колбаса ва гўштли консервалар билан боқар эди.

^{Фото: «Домашний очаг»}
Одатда Тайлер топшириқларни бажараётганида ит уни хонада кутиб туради ва қайтиб келганида қувончдан унга қараб югуради. Аскарларнинг таъкидлашича, Дейзи дўсти келгунича уни қаттиқ соғинади.

^{Фото: «Домашний очаг»}
Хизмат якунланиб, уйга қайтиш вақти келганида эса Тайлерни бир нарса қийнай бошлади, унга Дейзини олиб кетиш ҳуқуқи берилмаган. Аммо АҚШга етиб борган аскар зудлик билан Ҳайвонларга нисбатан шафқатсизликнинг олдини олиш жамиятининг халқаро бўлимига мурожаат қилган. Уларнинг ёрдами билан Тайлер кучукни АҚШга олиб бориш ва расмий равишда унинг эгаси бўлиш ҳуқуқини қўлга киритди. Дейзи эгаси билан кўришиш учун деярли 10 минг километр масофани босиб ўтди – аввал Суриядан Ироққа, сўнг Германия ва ниҳоят Нью-Йоркка.

^{Фото: «smalljoys.tv»}
Учрашув кутилганидан ҳам кўра кўпроқ таъсирли бўлган. Дейзи Тайлерни 3 ойдан буён кўрмаётган бўлса-да, дарҳол уни таниб, юзини силай бошлаган. У эгаси билан саломлашиши биланоқ хурсандлигидан аэропорт биноси атрофида югуриб кетган. Қуйидаги видео орқали учрашувнинг бир қисмини кўриш мумкин.
«Замин» янгиликларини «Вконтакти»да кузатиб боринг