17:50 / 21.01.2021
960

Байден ноқонуний мигрантларнинг депортация қилинишини тўхтатди

Байден ноқонуний мигрантларнинг депортация қилинишини тўхтатди
Фото: AFP
Байден ўзининг сайловолди кампанияси давомида иммигрантлар чиқариб юборилишини тўхтатишга ваъда берганди. У лавозимга киришган илк кунидаёқ Мексика билан чегарадаги девор қурилишини тўхтатди.

АҚШ президенти Жо Байден маъмурияти ноқонуний мигрантларнинг депортация қилинишини 100 кунга тўхтатди. Бу ҳақда FOX News телеканали хабар бермоқда.

Ҳукуматнинг билдиришича, ноқонуний мигрантлар билан иш олиб боришнинг тўхтатилиши давлат органларига коронавирусга қарши курашга эътибор қаратиш имконини беради. Қайд этилишича, ушбу чора терроризм ва жосусликка алоқадор мигрантларга тааллуқли эмас, аммо жинояти учун судланган ва гумонланувчиларга нисбатан амал қилади.

Байден ўзининг сайловолди кампанияси давомида иммигрантлар чиқариб юборилишини тўхтатишга ваъда берганди. У лавозимга киришган илк кунидаёқ Мексика билан чегарадаги девор қурилишини тўхтатди.

Бундан ташқари, у Трамп томонидан айрим мусулмон мамлакатлари фуқароларининг мамлакатга киришига қўйилган тақиқни бекор қилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)