09:00 / 01.03.2021
480

Туркия Ойга юбориш учун мўлжалланган ракета устида ишларни бошлади

Туркия Ойга юбориш учун мўлжалланган ракета устида ишларни бошлади
Туркия саноат ва технологиялар вазири Мустафо Варанкнинг таъкидлашича, Ойга миссияни икки босқичда амалга ошириш режалаштирилмоқда. Биринчи босқичда 2023 йилда Туркия Ойга кемани етказади, 2028 йилга эса иккинчи босқичнинг амалга оширилиши белгиланган.

Лойиҳанинг биринчи босқичи доирасида Ойга қаттиқ қўнишни амалга оширамиз. Биз биринчи парвозни халқаро компаниялар билан ҳамкорликда амалга оширамиз. Бироқ коинот қурилмамиз Ойга ўзимизнинг ноёб миллий ракетамиз ёрдамида етказилади”, деб таъкидлаб ўтган Варанк.

Унинг таъкидлашича, Туркия коинот дастури мамлакатни “коинот соҳасидаги олий лигага” олиб чиқишга қаратилган. Вазир Туркияда Ойга миссиянинг муҳим ташкил этувчиси бўлган гибрид двигателлар технологияси ишлаб чиқилганини қўшимча қилган.

Туркия президенти Ражаб Тоййиб Эрдўған 9 февралда миллий коинот дастурини тақдим этганди. У ўшанда Туркиянинг Ойга кема юбориш режаси ҳақида илк бор сўз очган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Туркия Ойга юбориш учун мўлжалланган ракета устида ишларни бошлади