Фото: akorda.kz
Қозоғистон президенти Қосим-Жўмарт Тўқаев коронавирусга қарши эмлаш борасида мамлакат аҳолисига мурожаат билан чиқди.
Тўқаев Олмаота шаҳрини янада ривожлантириш масалаларига бағишланган йиғилишда беқарор эпидемиологик вазиятга тўхталди ва аҳолининг ҳушёрлиги сусайганини таъкидлади.
"Ҳамюртларимизни яна бир марта ҳушёрликка, барча санитария нормаларига риоя қилишга, коронавирусга қарши оммавий эмлашни қўллаб-қувватлашга чақираман. Ҳукумат ва ҳокимликлар оммавий эмлашга тайёр бўлиши лозим. Биз 1 февралда эмлашни бошлаганмиз. Аммо ҳозиргача тўлиқ эмланганлар сони 18 мингдан ортиқроқни ташкил этмоқда. Режа бўйича 6 миллиондан ортиқ кишини эмлаб бўлишимиз керак эди. Жамоавий иммунитетга эришмасдан туриб касалликни енга олмаймиз ва иқтисодиётни тиклай олмаймиз", - деди Тўқаев.
У ҳукуматга бу йўналишдаги ишларни жадаллаштиришни топширди.
"Бу масалани назорат қиламан. Фуқароларга яна бир бор мурожаат қиламан, эмлашга ижобий қараш керак, бошқа йўл йўқ", - деди Қозоғистон президенти.
Охирги маълумотларга кўра, Қозоғистонда коронавирус юқтирганлар сони 226,7 мингдан ошган, 2800дан ортиқ бемор вафот этган. Сўнгги суткада касаллик юқтириш билан боғлиқ 1100га яқин ҳолат қайд этилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дубай ҳукмдорининг энг гўзал қизи қандай ҳаёт кечиради?
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди
АҚШ расмийлари: Миллионлаб америкаликлар хитойлик ҳакерлар ҳужумига учраган
АҚШ полициячиларининг «ақлли қарори» Legoга маъқул келмади
Россиялик терговчилар терактда айбланаётганлар оиласини сўроқ қилиш учун Тожикистонга келди
«Толибон» Москвадаги теракт ташкилотчиларини йўқ қилишга ваъда берди
Терактдан кейин Россиядаги Тожикистон фуқаролари нафрат ва тажовузга дучор бўлмоқда