Миср пойтахтида 10 қаватли уй қулаб тушди

^{Фото: «РИА Новости»}
Миср пойтахти Қоҳирада 27 март куни 10 қаватли уйнинг қулаб тушиши оқибатида камида беш киши ҳалок бўлди, 23 киши жароҳат олган. Бу ҳақда «Al-Ahram» газетаси хабар берди.

Айни пайтда қутқарувчилар тирик қолганларни қидиришмоқда. Бундан ташқари, бино вайроналари остида қолган бутун бошли оилани қутқариш ишлари кетмоқда.

Дастлабки тахминларга кўра, фалокатга уйнинг эгаси ноқонуний тарзда қўшимча икки қават қургани сабаб бўлган.