Фото: Reuters
АҚШ ҳукумати Россия ва Хитойнинг бир-бирига яқинлашиши учун сабабчи бўлиш ўрнига, улар билан муносабатларини изига солиши керак, деди АҚШнинг собиқ президенти Дональд Трамп Fox News телеканалига берган интервьюсида.
«Биз Россияни Хитой томон итариш ўрнига, у билан тил топишишимиз керак», — деди у.
Трампнинг сўзларига кўра, у Россия президенти Владимир Путин билан ҳам, Хитой раҳбари Си Цзиньпин билан ҳам «яхши муносабат ўрнатган».
«Президент Путин билан муносабатларимиз жуда яхши эди, у менга ёқарди, мен эса унга», — деди Трамп Россия президенти билан муносабатлари ҳақида гапирар экан.
2020 йилнинг сентябрь ойида Трамп Россия етакчиси билан яхши муносабатда бўлишнинг ҳеч қандай салбий жиҳатларини кўрмаётганини айтиб, атрофдагилар уни ҳар доим ташқи сиёсатдаги бошқа муаммолардан чалғитиб, Россияни муҳокама қилишга мажбур этаверишидан шикоят қилган эди.
Шу билан бирга, 2020 йилнинг ноябрь ойидаги сайловлардан олдин Дональд Трамп Путин АҚШнинг кейинги президенти сифатида Демократлардан номзод бўлган Жо Байденни афзал кўришини тахмин қилган эди.
Трампнинг 2016 йилда бўлиб ўтган сайловлардаги ғалабасидан кейин АҚШ Демократик партияси уни Москва билан тил бириктирганликда гумон қилган. Ушбу масалани текширган махсус прокурор Роберт Мюллер комиссияси Дональд Трамп ва Россия ўртасида ҳеч қандай боғлиқликни аниқлай олмаган эди.
Охирги марта Вашингтон Москвани 2020 йилнинг ноябрь ойида бўлиб ўтган АҚШ президентлиги сайловларига аралашишга уринишда ва киберҳужумларда айблаб, Россияга қарши янги санкциялар киритганидан кейин Россия ва АҚШ ўртасидаги муносабатлар кескинлашди. Чекловлар Россиянинг давлат қарзларига ҳам таъсир кўрсатди. Шунингдек, АҚШ Россиянинг 10 нафар дипломатини ватанига қайтаришга қарор қилганини маълум қилди.
Бунга жавобан Россия ҳам АҚШнинг 10 нафар дипломатини мамлакатдан чиқариб юборишни режалаштираётганини эълон қилди. Бундан ташқари, яна олти нафар юқори мартабали амалдорга нисбатан чекловлар жорий қилинди ва уларнинг мамлакатга кириши тақиқланди. Россия томони америкалик элчи Жон Салливанга маслаҳатлашиш учун Вашингтонга қайтишни тавсия қилди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
