Фото: Getty Images
Америкалик олимлар Стивен Куэя ва Ричард Мюллер SARS-CoV-2 сунъий йўл билан яратилганига ишора қилувчи исботларни келтиришди. Уларнинг бу ҳақдаги мақолалари The Wall Street Journal нашрида чоп этилди.
Олимлар коронавирусда CGG-CGG комбинациядаги геномлар кетма-кетлиги аниқлангани вирус лабораторияда яратилганидан дарак берувчи «сигнал» эканини айтишмоқда. Таъкидланишича, олимлар бундай кетма-кетликдан бирор вируснинг юқувчанлиги ёки ундан ўлим даражасини кучайтиришда фойдаланишади. Табиатда бундай геномлар кетма-кетлиги жуда кам учрайди.
«Коронавируснинг деярли бутун синфида табиий йўл билан пайдо бўлган CGG-CGG комбинацияси аниқланмади. Бу эса вируслар янги хоссаларга эга бўлишининг одатий усули ушбу вазиятда ишламаслигини англатади», деб айтишган олимлар.
Америкалик олимлар коронавирус сунъий усулда пайдо бўлганининг яна бир далили сифатида унинг генетик хилма-хиллигидаги кескин фарқланишни аташган. Вирус одамда унга мослашган, жуда агрессив ҳолатда пайдо бўлган. Бир неча ой давомида унинг бирор жиддий мутацияси кузатилмаган. Олимларнинг таъкидлашича, бу ҳолат вирус одамга мослашиш узоқ давридан ўтгани ва шундан кейингина аҳоли орасида тарқалганидан дарак беради.
20 май куни АҚШ Конгресси вакиллар палатасининг разведка бўйича қўмитасида SARS-CoV-2 Уҳандаги вирусология институтидан ташқарига чиққанига ишора қилувчи исботлар борлигини маълум қилган.
Хитой эса ушбу айбловларни бўҳтон ва фитна деб атаб келмоқда. Мамлакатнинг Вашингтондаги элчихонасида «баъзи сиёсий кучлар пандемия бошидан бери бунда Хитойни айблашга уриниб келаётгани» айтилган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди