Фото: Anadolu Agency
Агар «Толибон» ҳаракати ҳужумларини тўхтатмаса, АҚШ Ҳарбий-ҳаво кучлари Афғонистон қўшинларига ҳаводан жадал ёрдам беришда давом этади. Бу ҳақда АҚШ Қуролли кучлари Марказий қўмондонлиги раҳбари Кеннет Маккензи маълум қилди, деб ёзади «Интерфакс».
«АҚШ сўнгги кунларда афғон кучларини қўллаб-қувватлаш учун авиазарбаларни жадаллаштирди. Агар ‘Толибон’ аъзолари ҳужумларда давом этса, биз ҳам яқин кунларда шундай жадал даражада ҳаводан ёрдам беришда давом этаверамиз», — деди Маккензи.
«Очиқчасига огоҳлантиришни истардимки, шу кунларда Афғонистон ҳукумати қийин синовларга дуч келади. ‘Толибон’ уларнинг ғалабаси муқаррарлигини намойиш қилмоқчи. Аммо улар адашади: ‘Толибон’нинг ғалабаси қандайдир олдини олиб бўлмайдиган нарса эмас», — дея қўшиб қўйди Маккензи.
Айни вақтда АҚШ президенти Жо Байден америкаликлар Афғонистонда бўлган вақтда АҚШ қўшинларига турли ёрдамларни кўрсатган афғонистонликларни эвакуация қилиш учун 100 миллион доллар ажратишга рухсат берди.
Қочқинлар ва мажбуран кўчирилаётган шахсларга фавқулодда ёрдам кўрсатиш ва кўчириш билан боғлиқ харажатлар АҚШ ҳукумати томонидан давлат фондидан ажратиладиган маблағдан қопланади. Расмий баёнотда қайд этилишича, 100 миллион долларгача миқдордаги маблағ Афғонистондаги вазиятни инобатга олиб, шунингдек, АҚШ махсус иммиграцион визаларини олиш учун мурожаат қилган Афғонистон фуқароларининг эҳтимолий эҳтиёжларини қондириш учун ажратилмоқда.
Ҳозирда 2,5 мингга яқин афғонистонлик Америка махсус иммиграцион визаларини олиш учун мурожаат қилиши мумкин. Аммо Ғарб ОАВларининг хабарларига кўра, Америка қўшинларига кўмаклашган, шу жумладан, таржимонлик қилган 18 мингга яқин афғонистонлик ва уларнинг 53 минг оила аъзолари бундай визаларни олишга умид қилмоқда.
Айни пайтда Афғонистондан АҚШ қўшинларининг олиб чиқилиши фонида мамлакатда ҳукумат ва «Толибон» ўртасидаги зиддият кучайган.
Афғонистондан НАТО қўшинларини олиб чиқиш 29 апрелда бошланган, АҚШ ва «Толибон» ўртасида тузилган келишувга биноан жараён кузда якунланиши керак. Сўнгги маълумотларга кўра, АҚШ Афғонистондаги ҳарбий контингентининг 90 фоиздан кўпроғини олиб чиқиб кетди.
Германия, Италия ва Австралия эса Афғонистондан ўз қўшинларини олиб чиқишни якунлади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
