Украина МХК собиқ котиби ўз туғилган кунида «президент одами»ига мушт туширди

^{Данилюк (кўк кўйлакда) ва Милованов.
Фото: FACEBOOK.COM/VIK.CHUMAK}
Украинада СНБО (миллий хавфсизлик кенгаши) собиқ котиби Александр Данилюк ва собиқ молия вазири, ҳозирда президент офиси раҳбарининг маслаҳатчиси сифатида фаолият юритаётган Тимофей Милованов ўртасида муштлашув юз берди.

Қизиғи, ушбу жанжал Данилюкнинг туғилган куни содир бўлган.
«Украинская правда» ёзишича, ўша куни Милованов ва Данилюк бир четга ўтиб анча гаплашиб қолишган. Охири тортишиб кетишган.

Шундан сўнг Данилюк Миловановдан кетишни талаб қилиб, туғилган кундан ҳайдалганини Ермакка (президент офиси раҳбари) етказиб қўйишни сўраган.

Бу орада Милованов: «Эсингдами, Янукович даврида қандай ишлаганинг», деб ёниб турган оловга баттар мой сепган.
Бунга жавобан СНБО собиқ раҳбари: «Ярамас, мен биринчи кунлардан Майдонда эдим», дея бақириб маслаҳатчининг юзига мушт тушириб юборган.

Киев кенгаши депутати Дмитрий Белоцерковец ва бош прокурорнинг собиқ ўринбосари Виктор Трепак уларни ажратиб қўйишган.
Маслаҳатчининг қоши ёрилгани айтилмоқда.

Жанжалнинг асл сабаби, айтилишича, танлов комиссияси 29 июль куни Иқтисодий хавфсизлик бюроси директорлиги учун Данилюкнинг номзодини қайтариб юборганлигида — Индиана университетини тамомлагани тўғрисидаги дипломи ўтмаган.

Ўша комиссия раҳбари Милованов эди. Миловановга ҳам осон эмас, танловда нақ 48 номзод курашяпти. «Замин»ни Telegram’да ўқинг!