Афғонистон президенти Ашраф Ғани истеъфо берди ва Тожикистонга жўнаб кетди

^{Президент Ашраф Ғанининг Кобул халқаро аэропортидаги плакатга туширилган сурати
Фото: AP Photo}
Афғонистон президенти Ашраф Ғани истеъфо берди ва Тожикистонга учиб кетди. Бу ҳақда Тожикистоннинг Asia-Plus нашри Ғани ҳукумати амалдорларидан бири Сажад Нуристонийга таяниб хабар бермоқда.

Унинг сўзларига кўра, Ашраф Ғанига унинг миллий хавфсизлик бўйича маслаҳатчиси Ҳамдулла Муҳиб ва маъмурият раҳбари Фазл Маҳмуд Фазлий ҳамроҳлик қилмоқда.

Нуристоний қайд этишича, Тожикистондан кейин Ғани учинчи мамлакатга учиб кетиши керак, аммо қайси мамлакат экани ҳозирча номаълум.

Мамлакатда ўтиш даври ҳукумати раҳбари мажбуриятларини Афғонистон собиқ ички ишлар вазири Аҳмад Жалолий ўз зиммасига олди.
Аввалроқ «Толибон» истеъфо бериши кутилаётган президент Ашраф Ғанидан ҳокимиятни қабул қилиб олмаслигини маълум қилган эди. “Замин” янгиликларини “Telegram”да кузатиб боринг