Толиблар Панжшердаги вазият Россиянинг таъсири орқали ҳал қилиниши мумкин деб ҳисобламоқда

^{Фото: AP Photo / Rahmat Gul}
Россиянинг таъсир кўрсатиши “Толибон”га бўйсунмаган Панжшер вилоятидаги вазиятни ҳал қилишга ёрдам бериши мумкин. Бу ҳақда толибларнинг Қатардаги сиёсий офиси вакили Суҳайл Шаҳин айтди.

“Бу Россия таъсиридан фойдаланган ҳолда муҳокама қилинади деб ўйлайман. Бу маъқулланади ва қадрланади”, – деди Шаҳин толиблар Россиянинг Кобулдаги элчиси Дмитрий Жирновдан қаршилик кучлари билан музокараларда воситачилик қилишни сўрагани тўғрисидаги саволга жавобан.

Шаҳиннинг сўзларига кўра, Россия “Афғонистондаги тинчлик ва ярашув ишига ҳисса қўшиши мумкин, Россиянинг роли доимо маъқулланган”.
Толиблар 15 август куни Афғонистонда ҳукуматни қўлга киритди. Панжшер улар назоратига ўтмаган ягона вилоят бўлиб турибди. “Замин” янгиликларини “Telegram”да кузатиб боринг